Ljósanótt 2022 | Dagskrá Bókasafnsins
Að vanda verður Bókasafn Reykjanesbæjar með fjölbreytta dagskrá á Ljósanótt dagana 1. - 3. september. Líkt og síðustu ár mun bókakostur um Reykjanes prýða standa safnsins, í tilefni Ljósanætur í Reykjanesbæ. Hvetjum öll til þess að koma í bókasafnið og njóta allra viðburða sem eru í boði.
Dagskráin er annars sem hér segir:
Fimmtudagurinn 1. september
16.30 - 18.00 Uppskeruhátíð sumarlesturs. Við hefjum leika á að tilkynna hvaða grunnskóli las mest í sumar. Kl. 16.30 verður sýnd myndin Lego: Batman með íslensku tali. Boðið verður upp á popp og djús á meðan birgðir endast. Hvetjum alla til þess að mæta í ofurhetjubúningi!
17.00 - 17.30 Opnun sýningar Ofurhetjur fara sínar eigin leiðir. Á sýningunni verða munir, bækur og blöð er tengjast ofurhetjuheiminum.
Föstudagurinn 2. september
16.00 - 17. 00 Ljóðalestur vinningshafa í ljóðasamkeppni Bryggjuskálda á Suðurnesjum og verðlaunaafhending.
Laugardagurinn 3. september
15.00 - 16.00 Hljómsveitin Midnight Librarian spilar í Miðju safnsins