Draumar og þrár
Þema Norrænu bókmenntavikunnar í ár er "Draumar & þrár". Börnum í Reykjanesbæ er boðið að lita sinn eigin taupoka með þemað í huga, á meðan birgðir endast. Vinsamlega athugið að það er einn poki á mann. Ókeypis er á viðburðinn og allt efni verður á staðnum.
Hvenær:
Laugardagur 20. nóvember kl. 11.00 - 15.00
Hvar:
Miðjan
Dagskráin er styrkt af Norræna félaginu í Reykjanesbæ.
Norræn bókmenntavika er verkefni á vegum Sambands Norrænu félaganna sem leitast við að efla lestrargleði og breiða út norrænar bókmenntir á Norðurlöndunum og nágrannalöndum.
Mánudaginn 13. nóvember 2017 var Norræna bókmenntavikan, þá undir heitinu Norræna bókasafnavikan, sett í 21. sinn, þar sem norræn frásagnarlist og sagnaauður er í öndvegi. Vikan var sneisafull af alls kyns viðburðum - svo sem upplestrum, umræðum, sýningum og öðrum menningarviðburðum - sem áttu sér stað samtímis á þúsundum bókasafna, skólum og öðrum samkomustöðum víðsvegar á Norðurlöndum og nærliggjandi löndum. Meginmarkmið Norrænu bókmenntavikunnar er að lýsa upp svartasta skammdegið með því að tendra ljós og lesa bók.
Nánari upplýsingar á https://www.nordisklitteratur.org/is/