Lína langsokkur í Notalegri sögustund
28.10 kl. 11:30-12:00
Viðburðir bókasafn
Bókasafn
Laugardaginn 28. október kl. 11.30 er Notaleg sögustund með Höllu Karen. Að þessu sinni ætlar Halla Karen að lesa um Línu langsokk og syngja nokkur vel valin lög.
Í tilefni af Bangsadeginum 27. október mega börnin koma í Bókasafnið með bangsana sína og leyfa böngsunum að gista í Bókasafninu yfir nóttina. Tekið er á móti böngsum milli 13.00-18.00 á föstudeginum.
Bangsarnir gera eitthvað ógurlega skemmtilegt í bókasafninu á föstudagskvöldinu þar sem teknar verða myndir af þeim í bókasafns partý og þær birtar á facebook/Instagram síðu safnsins. Á laugardeginum á að vekja bangsana í Notalegri sögustund og þeir fara svo heim með eigendum sínum.
Mögulega mun apinn Níels lesa sögu fyrir bangsana sem mæta í sögustundina. Börn eru hvött til þess að mæta í náttfötum.
Hvar: Bókasafn Reykjanesbæjar | Miðjan
Hvenær: Laugardaginn 28. október kl. 11.30
Ókeypis er á viðburðinn og allir hjartanlega velkomnir. Tilvalin samverustund fyrir alla fjölskylduna.