Bókasafn

Starfsfólk frá fyrirtækinu Spilavinir kom í heimsókn í Bókasafn Reykjanesbæjar þann 13. febrúar 2016. Fjölmörg spil voru kynnt og gafst gestum kostur á að spila þessi skemmtilegu spil. Annan laugardag hvers mánaðar spilum við saman í Bókasafni Reykjanesbæjar.

Í Bókasafni Reykjanesbæjar býðst nú leikskóla- og skólahópum að koma í Valla-ratleik. Flestir þekkja bækurnar Hvar er Valli en leikirnir ganga út á að finna Valla sem felur sig á ýmsum stöðum í safninu.

Laugardaginn 6. febrúar var kennd öskupokagerð í Bókasafni Reykjanesbæjar. Margir gestir komu og voru þeir á öllum aldri. Þessir gamaldags öskupokar þóttu frekar merkilegir og gaman var að rifja upp gamlan sið.

Halla Karen las Rauðhettu í Notalegri sögustund laugardaginn 30. janúar. Margir komu og hlýddu á söguna, skoðuðu svo bækur og kíktu við á Ráðhúskaffi. Halla Karen les sögur síðasta laugardag hvers mánaðar.

Þann 26. janúar 2016 kom Stefán Bergsson frá Skákakademíunni og kenndi viðstöddum skák og nokkur gagnleg brögð. Áhugann vantaði ekki í hópinn og við vonum að allir hafi haft gagn og gaman af.

Þann 26. nóvember sl. var hið árlega bókakonfekt Bókasafns Reykjanesbæjar. Rithöfundar sem allir tengjast Suðurnesjum á einn eða annan hátt komu og lásu úr nýútkomnum bókum sínum. Árelía Eydís Guðmundsdóttir las úr bókinni Tapað - Fundið, Ásmundur Friðriksson las úr bókinni Hrekkjalómafélagið: prakkarastrik og púðurkerlingar og Jón Kalman Stefánsson las upp úr bókinni Eitthvað á stærð við alheiminn. Nemendur úr Tónlistarskóla Reykjanesbæjar tóku á móti gestum með ljúfum tónum.