Silvia Björg sýnir „Frjósemi” á sumarsýningu 2023 í Bíósal Duus Safnahúsa í samstarfi við Listasafn Reykjanesbæjar.

Opnun sýningarinnar er laugardaginn 3. júní kl. 14:00 - 16:00. Lesa meira

Listahátíð barna og ungmenna í Reykjanesbæ verður haldin í sautjánda sinn í Duus Safnahúsum Lesa meira

Frá 2021 hefur Listasafn Reykjanesbæjar á hverju ári boðið meistaranemum á fyrsta ári í sýningagerð við LHÍ að stýra sýningu í safninu, í samstarfi við námsleiðina. Þar er lögð áhersla á sýningagerð sem víðfeðman og margþættan vettvang sköpunar og rannsókna með samvinnu sem lykilþema. Sýningar meistaranema hafa vakið athygli safngesta og samstarfið við Listaháskólann er jafnframt liður í að kynna safnið fyrir nýrri kynslóð sem starfar innan
listgreina og fræðasviðs lista á Íslandi. Lesa meira

Vena og Michael eru gjörningalistamenn og mun sýningin verða vitnisburður um hvar þau eru stödd á þessum ákveðna tímapunkti og skrásetning á því sem þeim er nú hugleikið. Þau eru hér og nú, erlendir ríkisborgarar á Íslandi, að setja mark sitt á Listasafn Reykjanesbæjar þar sem þau ríkja í ákveðinn tíma. Lesa meira

Guðrún Gunnarsdóttir er frumkvöðull á sviði þráðlistar og gefur sýning hennar góða mynd af þróun listamannsins frá myndvefnaði á áttunda áratug síðustu aldar, til þrívíddarmynda sem einkenna myndlist hennar í dag. Lesa meira

Sýningin Ráð er samansett af nýju listráði Listasafns Reykjanesbæjar.

Listráð skipaða þau; Kristinn Már Pálmason, Andrea Maack og Gunnhildur Þórðardóttir. Öll eru þau tengd Reykjanesbæ, annað hvort með búsetu eða eru fædd og uppalin í bæjarfélaginu. Lesa meira

Duus Safnahús í samstarfi við Listasafn Reykjanesbæjar bjóða upp á sumarsýningu fyrir fólk sem ástundar myndlist og býr á Suðurnesjum. Þetta er tilraunaverkefni sem haldið er í annað sinn í Bíósal Duus Safnahúsa.

Lesa meira

Listahátíð barna og ungmenna í Reykjanesbæ verður haldin í sextánda sinn í Duus safnahúsum þann 28. apríl – 15. maí 2022. Lesa meira

Sýningin fjallar um flótta og tilfærslur þjóða í heiminum. Nafnið Skrápur vísar í skjól sem líkaminn býr til sjálfur yfir tíma, fyrir utanaðkomandi áreiti. Einnig vísar orðið í skráp sem manneskjan kemur sér upp huga sínum til varnar. Lesa meira

Á föstudaginn opnum við sýningu í Bíósal Duus Safnahúsa sem er hluti af listahátíðinni List án landamæra en það er hátíð sem leggur áherslu á list fatlaðra listamanna. Tilgangur hennar er að auka menningarlegt jafnrétti & fjölbreytni með því að skapa faglegan vettvang & tækifæri fyrir fatlaða listamenn. Sýningin er samstarfsverkefni Listasafns Reykjanesbæjar og menningarfulltrúa. Lesa meira

Duus Safnahús og Listasafn Reykjanesbæjar bjóða til samstarfs í sumar við fólk sem ástundar myndlist og býr á Suðurnesjum. Góð þátttaka var um sýningarpláss, 18 einstaklingar sóttu um og af þeim voru 4 valdir til þess að sýna á tveimur samsýningum í Bíósal Duus Safnahúsa.

Seinni myndlistarsýningin af tveimur stendur frá 17. júlí til 22. ágúst 2021 og er samsýning Einars Lars Jónssonar (Larz) og Unnar Karlsdóttur. Lesa meira

Tegundagreining er sambland endurlits og nýrra verka Steingríms Eyfjörð sem unnin eru árin 2020 – 2021. Lesa meira

Saga Kaupfélagsins hefur verið samofin sögu byggðarlaga á Suðurnesjum í 75 ár. Af því tilefni verður opnuð sýning í Stofunni í Duushúsum og á Keflavíkurtúni laugardaginn 12. júní kl 13:00.

Sýningarstjóri er Helgi Biering, safnstjóri Byggðasafns Reykjanesbæjar. Lesa meira

Listahátíð barna í Reykjanesbæ verður haldin í fimmtánda sinn í Duus safnahúsum þann 6. maí – 24. maí 2021. Lesa meira

Á sjó er pop-up sýning úr safneign listasafnsins og að þessu sinni er þemað sjómennskan, sem er tenging við sögu Suðurnesja og staðsetningu Duus Safnahúsa við sjóinn og smábátahöfnina. Lesa meira

Ný sýning 365 opnar klukkan 12:00. Ekki verður formleg opnun, en fólk er boðið velkomið að skoða nýja sýningu, mörg myndverkana verða til sölu, það er því tilvalið að skoða sýninguna og athuga hvort fólk vilji versla myndlist í jólagjöf. Lesa meira

Listasafn Reykjanesbæjar opnar yfirlitssýningu á verkum Daða Guðbjörnssonar og á
þessum tímamótum gefur hann safninu 400 grafík verk sem eru frá árunum 1978-
2020. Lesa meira

Áfallalandslag er sýning sem ætlað er að tengja áhorfandann við atburðarás áfalla sem tengjast náttúruhamförum. Sýningin er innblásin af grein sem skrifuð er af Sigurjóni Baldri Hafsteinssyni og Arnari Árnasyni, Landscapes of Trauma: a Reflection on Wonder. Lesa meira

Loji Höskuldsson, 1987, Reykjavík, Ísland. Útskrifaðist úr myndlistardeild Listaháskóla Íslands árið 2010. Hann hefur spilað með mörgum mismunandi hljómsveitum í gegnum tíðina, s.s. Sudden Weather Change 2006-2012, Wesen, I:B:M:, Prins Póló, Tilfinningar vina minna og einnig undir sínu eigin nafni. Hann hefur spilað oft á Iceland Airwaves og Sónar Reykjavík og einnig túrað um Evrópu og Ameríku.

Áslaug Thorlacius, 11.09.1963, Reykjavík, Ísland, er myndlistarkona, kennari og þýðandi, hún er skólastjóri Myndlistaskólans í Reykjavík. Áslaug hefur haldið fjölda sýninga, verið framkvæmdastjóri Sambands íslenskra myndlistarmanna og kennt í grunnskóla, háskóla og Myndlistaskólanum í Reykjavík. Lesa meira

Bragi Guðlaugsson, iðnaðarmaður með meiru, mundi óhikað teljast til ástríðusafnara. Um langt árabil hefur hann verið fastagestur á öllum myndlistarsýningum á höfuðborgarsvæðinu, auk þess sem hann sækir heim myndlistarmenn til að kaupa af þeim myndir, skiptist á myndum við aðra safnara, verslar að auki við uppboðshús heima og erlendis. Lesa meira

ÚRVALSGRAFÍK FRÁ PÓLLANDI

Í september fer í hönd árleg „Ljósanótt“ Reykjanesbæjar með listsýningum og öðrum menningarviðburðum á Suðurnesjum. Nú verður kastljósi sérstaklega beint að framlagi Pólverja til listar og menningar þar sem vitað er að hartnær fjórðungur bæjarbúa er nú af pólskum uppruna. Lesa meira

Inga Þórey Jóhannsdóttir , Valgerður Guðlaugsdóttir , Sossa , Margrét Jónsdóttir , Gunnhildur Þórðardóttir og Kristín Rúnarsdóttir Lesa meira

Ein af Ljósanætursýningum ársins í Duus Safnahúsum er sýning Reynis Katrínar, galdrameistara og skapandi listamanns. Andleg málefni hafa alla tíð átt huga og hjarta Reynis og bera verk hans þess sterk merki. Lesa meira

Ljósmyndasýning Hjálmars Árnasonar Lesa meira

Náttúra Íslands í augum tveggja Njarðvíkinga er skemmtileg sýning sem nú má sjá í Stofunni í Duus Safnahúsum. Sýningin samanstendur af 15 ljósmyndum sem Oddgeir Karlsson ljósmyndari í Njarðvík hefur tekið víða á Reykjanesinu og grjóti úr safni Njarðvíkingsins Áka Gränz heitins en hann var ástríðufullur steinasafnari með meiru. Lesa meira

Í miðri síðari heimsstyrjöld hófst nýr kafli í sögu Suðurnesja sem markað hefur djúp spor. Hermenn streymdu að og stórvirkar vélar og tæki hófu framkvæmdir við herflugvelli og braggahverfi risu ógnarhratt í næsta nágrenni við fiskibæina. Stríðið var komið til aldagamalla verstöðva Suðurnesja án þess að íbúarnir fengju nokkru um það ráðið. Lesa meira

Félag myndlistarmanna í Reykjanesbæ opnar sýninguna „Litróf“ laugardaginn 6.apríl kl. 14.00 í Stofunni í Duus Safnahúsum. Á sýningunni má sjá verk eftir félagsmenn sem unnin voru á haust- og vetrarnámskeiðum félagsins. Lesa meira

Sýningin Eitt ár í Færeyjum er ljósmyndasýning sem er afrakstur samkeppni sem Norræna húsið í Færeyjum stóð fyrir árin 2016-17 og var sumarsýning Norræna hússins í Þórshöfn sumarið 2017. Öllum Færeyingum var boðið að senda inn ljósmyndir sem lýstu daglegu lífi og náttúru í Færeyjum á einu ári, nánar tiltekið frá flaggdeginum 2016 til flaggdagsins 2017. Lesa meira

Sýningin Endalaust inniheldur einungis verk úr endurunnum efnivið.
Um er að ræða fjölbreytt og ólík viðfangsefni og alls 20 hönnuðir taka þátt í sýningunni. Endalaust er samstarfsverkefni Listasafns Reykjanesbæjar og HANDVERKS OG HÖNNUNAR. Sýningarstjóri er Ragna Fróða. Lesa meira

Ljósanætursýning Listasafns Reykjanesbæjar í ár er ljósmyndasýningin Eitt ár á Suðurnesjum. Sýningin er afrakstur samkeppni sem safnið stóð fyrir árin 2017-18 og var öllum Suðurnesjamönnum boðið að senda inn ljósmyndir sem teknar yrðu eftir ákveðnum reglum. Skilyrðin voru að myndirnar skyldu lýsa daglegu lífi og náttúru á Suðurnesjum á einu ári, nánar til tekið frá 17.júní 2017 til 17.júní 2018. 350 ljósmyndir bárust og eru þær allar til sýnis í Listasal Duus Safnahúsa, ýmist útprentaðar eða á skjá. Lesa meira

Listasafn Reykjanesbæjar opnaði í tilefni 15 ára afmælis safnsins þrjár sýningar í Duus Safnahúsum föstudaginn 1.júní. Verkin á sýningunum þremur koma öll úr safneigninni og hefur safnið eignast flest þeirra á þeim 15 árum sem liðið hafa frá formlegri stofnun þess. Lesa meira

Listahátíð barna, sem nú verður haldin hátíðleg í 13. sinn, er samvinnuverkefni Listasafns Reykjanesbæjar, allra 10 leikskóla bæjarins, allra 6 grunnskólanna, Tónlistarskólans, dansskólanna og listnámsbrautar Fjölbrautaskóla Suðurnesja. Myndlistarsýningar tengdar hátíðinni eru staðsettar í Duus Safnahúsum. Lesa meira

Sýning á Þingvallamyndum úr einkasafni Sverris Kristinssonar verður opnuð í sýningarsal Listasafns Reykjanesbæjar í Duus Safnahúsum, menningar og listamiðstöð Reykjanesbæjar, föstudaginn 9. febrúar kl. 18.00. Í tilefni 100 ára afmælis fullveldis á Íslandi veltum við fyrir okkur gildi þessa helgasta staðar Íslendinga fyrir þjóðarvitundina og þá um leið áhrifum Þingvalla á myndlist þjóðarinnar. Lesa meira

Listasafn Reykjanesbæjar opnar sýninguna Úlfur við girðinguna laugardaginn 11.nóvember kl.14.00. Þar er á ferðinni einkasýning Úlfs Karlssonar sem er fæddur árið 1988 og er með eftirtektarverðustu listmálurum sinnar kynslóðar. Verk hans eru litríkar og átakamiklar hugleiðingar um mannlífið í abstrakt-expressjónískum anda. Úlfur hefur sýnt verk sín víða, bæði á Íslandi og erlendis og m.a. í Hilger, hinu þekkta gallerí í Austurríki. Lesa meira

Náttúra Íslands hefur sem betur fer átt sína hjartans unnendur á öllum tímum og hér má sjá sýningu sem tengist einmitt þessari náttúruást. Sýningin samanstendur af 17 ljósmyndum sem Oddgeir Karlsson ljósmyndari í Njarðvík hefur tekið víða á Reykjanesinu. Lesa meira

Sýningin Íslensk náttúra, landslagsverk úr safneign Listasafns Reykjanesbæjar, hefur verið opnuð í Bíósal Duus Safnahúsa. Verkin sýna öll íslenska náttúru og eru eftir 16 listamenn frá ýmsum tímum og eru unnin í margvísleg efni s.s. olíu, leir og textíl. Lesa meira

Á sýningunni Blossi eru málverk eftir Sossu og innrömmuð ljóð eftir Anton Helga Jónsson sem snúast um ástar- og hlutverkaleiki kynjanna. Lesa meira

Á sýningunni Próf/Tests er að finna 57 olíumálverk, öll í sömu stærð og í tveimur litum: hvítum og rauðum. Fyrirmynd málverkanna eru 57 þungunarpróf. Lesa meira

(Jaðarsettur) miðaldra kalmaður staðsettur í Höfnum reynir að útskýra fyrir sér ástand heimsins og hverjar horfunar séu.
Í gegnum miðla myndlistarinnar þreifar hann á og gerir tilraun til að skilja og læra meira um þessa veröld sem við byggjum. Lesa meira

"Hið óþekkta líf undirdjúpanna hefur ávallt heillað mig. Íbúar þeirra deila með okkur jörðinni en er okkur að mestu huldir. Á þessari sýningu túlka ég þessa nágranna okkar og þeirra töfraveröld á huglægan hátt. Sýningin er óður minn til þeirra." Lesa meira

Gillian Pokalo er bandarískur listamaður sem hrifist hefur af íslenskri náttúru. Verkin sem nú eru til sýnis í Stofunni í Duus Safnahúsum eru afrakstur tveggja ferða hennar til Íslands í apríl 2016 og mars 2017. Lesa meira

Það var ánægjulegt þegar listnámsnemendur Fjölbrautaskólans bættust við sem þátttakendur í Listahátíð barna enda byggja þeir allir á því veganesti sem þeir hlutu í leik- og grunnskólum. Í Stofunni gefur að líta verk útskriftarnemenda af listnámsbraut sem unnin eru á ýmsan hátt t.d. með bleki, akrýl, vatnslitum, þrykki og blandaðri tækni. Lesa meira

„Tíminn milli nætur og dagrenningar. Tíminn þegar flestir deyja, þegar svefninn er hvað dýpstur og martraðir raunverulegastar. Þá sækir mestur ótti að þeim sem ekki geta sofið, og bæði draugar og drýsildjöflar fara mikinn. Flest börn fæðast einnig á Úlfatíma.“ Lesa meira

„Við höfum ekki fast land undir fótum heldur er yfirborð jarðar á hreyfingu. Náttúrulegt umhverfi okkar er ekki stöðugt heldur í sífelldri mótun og undirorpið breytingum.“
Þetta er viðfangsefni sýningarinnar Við sjónarrönd, sem Listasafn Reykjanesbæjar opnar föstudaginn 11.nóvember n.k. kl. 18.00. Sýningin er unnin er í samvinnu þeirra Elvu Hreiðarsdóttur, Phyllis Ewen frá Bandaríkjunum og Soffíu Sæmundsdóttur. Lesa meira

Nánd nefnir Jóhanna Hreinsdóttir sýningu sína sem opnuð verður í Bíósalnum 11.nóvember kl. 18. Sýningin stendur til 15.janúar n.k. og er opið alla daga frá kl. 12.00-17.00.

Lesa meira

Ljósmyndarinn Vigdís Heiðrún Viggósdóttir verður með ljósmyndasýningu í anddyri Duus Safnahúsa á Ljósanótt. Þar sýnir hún seríuna „Sveitapiltsins draumur“ og er sú sería í beinum tengslum við ljósmyndaseríuna „Heimasætan“ sem Vigdís sýndi í safninu fyrir ári. Lesa meira

Í tilefni Ljósanætur opnar Listasafn Reykjanesbæjar sýninguna “Framtíðarminni” í Listasalnum í Duus Safnahúsum fimmtudaginn 1.september kl.18:00. Um er að ræða samsýningu fjögurra listamanna, þeirra Doddu Maggýjar, Elsu Dórotheu Gísladóttur, Ingarafns Steinarssonar og Kristins Más Pálmasonar.
Lesa meira

Blómahaf nefnir Elínrós Blomquist Eyjólfsdóttir sýningu sína í Bíósalnum sem verður opnuð 1.september næstkomandi kl. 18 á Ljósanótt. Á sýningunni sem verður að hluta til yfirlitssýning á verkum hennar gefur að líta málverk, teikningar og skissur, postulín og skartgripi. Verkin eru sum hver mjög stór olíumálverk sem áður voru til sýnis í Hofi á Akureyri fyrr á þessu ári en einnig eru minni verk og landslagsverk. Sýningarstjóri er Gunnhildur Þórðardóttir myndlistarmaður. Lesa meira

Sýningin “Mín eigin jörð” verður opnuð í Gryfjunni í Duus Safnahúsum á vegum Listasafns Reykjanesbæjar á Ljósanótt, nánar tiltekið fimmtudaginn 1.september kl. 18.00. Þar er á ferðinni listakonan Íris Rós Söring með stóra keramik skúlptúra og nokkra minni mixed media gripi. Einnig veður sýnt myndband sem sýnir vinnslu listgripanna. Lesa meira

Sýning Listasafns Reykjanesbæjar ber heitið Mannfélagið. Þar má sjá verk eftir 21 listamenn, aðallega málverk, en einnig er þar að finna skúlptúr og ljósmyndaverk. Listamennirnir eiga það sammerkt að vinna með margháttaðar birtingarmyndir mannlegra samskipta, ýmist beint og umbúðalaust eða með táknrænum hætti. Lesa meira