Sýningar

Á sýningunni eru rúmlega 100 líkön smíðuð af Grími Karlssyni. Flest líkönin eru af skipum sem hafa verið smíðuð eða keypt til landsins á árunum eftir seinna stríð og fram til 1960. Sýningin opnaði fyrst á lokadaginn 11. maí árið 2002 og hefur síðan verið í þróun, bátasmiðurinn bætir við líkönum á hverju ári. Þar má m.a. sjá hluti og myndir sem tengjast sjávarútvegssögu þjóðarinnar og eru í eigu Byggðasafns Reykjanesbæjar. Sýningin er í Bátasal Duus Safnahúsa. Lesa meira

Sýning um myndun og mótun Reykjanesskagans, lífríki og náttúrufar. Eitt af hlutverkum Reykjaness jarðvangs er að auka þekkingu almennings á jarðminjum, sögu og menningu svæðisins. Sýningin er í Bryggjuhúsi Duus Safnahúsa. Lesa meira

Á uppstigningardag 29. maí 2014 var opnuð ný grunnsýning í Bryggjuhúsi í Duus Safnahúsum. Á sýningunni er stiklað á stóru um sögu svæðisins allt frá umfjöllun um níundu aldar skála í Höfnum fram undir miðja síðustu öld. Fjallað er um torfbyggingar, eldamensku, verslun og viðskipti, fiskveiðar og vinnslu, ferðalög og náttúruna. Ólík tímabil flæða saman sem og náttúra og menning.
Lesa meira

Í miðri síðari heimsstyrjöld hófst nýr kafli í sögu Suðurnesja sem markað hefur djúp spor. Hermenn streymdu að og stórvirkar vélar og tæki hófu framkvæmdir við herflugvelli og braggahverfi risu ógnarhratt í næsta nágrenni við fiskibæina. Stríðið var komið til aldagamalla verstöðva Suðurnesja án þess að íbúarnir fengju nokkru um það ráðið. Lesa meira