Sýningarsalir í Duus Safnahúsum

Bátasalur: Í vinnslu

Listasalur: Listasafn Reykjanesbæjar miðlar myndlist með fjölbreyttu sýningarhaldi, fyrirlestrum, leiðsögnum, útgáfu og miðlun á vefnum. Safnið opnar 5 sýningar á ári í þessum sal eftir listamenn sem koma hvaðanæva að.

Gryfjan: Gryfjan er  sýningarsalur Byggðasafns og þar eru haldnar ýmsar sýningar úr sögu svæðisins.

Bíósalur: Salurinn dregur nafn sitt af bíósýningum sem haldnar voru í húsinu í kringum 1930. Nú fer þar fram margvísleg menningarstarfssemi s.s. sýningar, bókmenntakvöld, tónleikar, fundir og ráðstefnur.

Bryggjuhús - Gestastofa Reykjaness Jarðvangs:  Í Gestastofu er sýning frá Reykjanesjarðvangi (Geopark) um myndun og mótum Reykjanesskagans, lífríki og náttúrufar. Eitt af hlutverkum jarðvangsins er að auka þekkingu almennings á jarðminjum, sögu og menningu svæðisins. 

Bryggjuhús -  Stofan:  Stofan er sýningarsalur Byggðasafns,  með hinar ýmsu sýningar. 

Bryggjuhús - Miðloft:   Grunnsýning Byggðasafns Reykjanesbæjar ,,Fast þeir sóttu sjóinn - Bátasafn Gríms Karlssonar" var opnuð árið 2021 á Miðloftinu.  Sýningunni er ætlað að gefa gestum innsýn í þennan mikilvæga þátt í atvinnulífi Suðurnesjamanna þar sem allt snerist í aldir og áratugi um fiskveiðar.

Bryggjuhús - Ris: Í Risinu má sjá minjar frá fyrstu árum hússins og þar fer fram blönduð menningarstarfsemi.