Lausnin á matarsóun

Ertu þreytt(ur) á að horfa upp á peningana þína rotna í grænmetisskúffunni? Hvað getum við gert til að minnka matarsóun (og spara pening)?

 

Við stígum inn í heim matarsóunar, sjálfbærni og skapandi lausna á því sem margir líta á sem „rusl”.

 

Dóra Svavarsdóttir, matreiðslumeistari og formaður Slow Food á Íslandi, leiðir lifandi og hagnýta umfjöllun um hvernig matarsóun verður til og – það mikilvægasta – hvernig hver og einn getur haft áhrif til að sporna við henni.

 

Slow Food samtökin vinna með bókasöfnum víðs vegar um landið að því að efla skilning á matvælakerfinu, áhrifum sóunar og hvað við getum gert í daglegu lífi til að nýta betur, hugsa skýrara og elda af meiri kærleika til hráefnisins í Viku 17.

 

 Dóra mætir með smakk!
Hráefni sem átti að enda í ruslinu fær annað tækifæri – og sýnir hvernig hægt er að búa til gómsætan mat, oft úr litlu og spara þannig mikla fjármuni og vera umhverfishetja í leiðinni.

 

Komdu á safnið og njóttu kvölds þar sem fræðsla, innblástur og bragð sameinast á skemmtilegan hátt.

 

 Verum breytingin sem við viljum sjá.

 

 Fróðlegt og hlýlegt kvöld fyrir alla sem vilja hugsa, nýta og elda með meiri meðvitund.