Sumarlesturinn er hafinn í Bókasafninu.

Sumarlesturinn virkar þannig að börnin, þegar þau koma á safnið, fá veggspjald til eignar. Í hvert sinn sem þau skila bók (eða lesa bók á safninu) fá þau límmiða til að líma á veggspjaldið. Veggspjaldið er þannig að það eru 8 eyjar/lönd sem börnin ferðast á milli. 

Eyjarnar eru með myndefni sem eru eftir þessum þemum:

1. spenna/hryllingur

2. grín

3. fantasía (galdrar, drekar, tröll, álfar og önnur yfirnáttúruleg fyrirbæri)

4. dýr

5. íþróttir

6. vísindi/tækni

7. fyrir langa, langa löngu (bækur sem gerast í gamla daga, víkingar, norræn eða grísk goðafræði, riddarar, sveitin)

8. teiknimyndasögur

Það verður einn límmiði fyrir hvert þema og svo einn loka-límmiði sem þau fá þegar þau eru búin að safna öllum átta límmiðunum. Þau geta annað hvort farið ákveðna leið og leyst þrautir sem eru á veggspjaldinu eða lesið bók sem tilheyrir hverju þema . Þá virkar veggspjaldið, eins og þrautaleikur eða tölvuleikur. 

Verum dugleg að lesa í sumar og verið öll hjartanlega velkomin í Bókasafn Reykjanesbæjar því lestur er bestur.