Krakkajóga með Sibbu

Laugardaginn 5. október sl. var boðið upp á krakkajóga í Bókasafni Reykjanesbæjar í tilefni heilsu- og forvarnarviku á Suðurnesjum.  Leikskólakennarinn og jógaleiðbeinandinn Sigurbjörg Eydís Gunnarsdóttir kenndi tímann en hún kennir m.a. börnum jóga á leikskólanum Gimli í Reykjanesbæ.  Jógatíminn var afar vel sóttur og mátti sjá ömmu og afa, foreldra og eldri systkini taka þátt með yngstu börnunum.