Fjölmenni í Notalegri sögustund

Fjölmenni í Notalegri sögustund

Síðastliðinn laugardag var Notaleg sögustund með Höllu Karen í Bókasafni Reykjanesbæjar.

Halla Karen las og söng um prakkann Emil í Kattholti sem flest börn þekkja. Óhætt er að segja að fjölmennt hafi verið í sögustundinni en um 100 foreldrar og börn komu þegar mest var.

Þrisvar sinnum í mánuði eru Notalegar sögustundir en fyrsta laugardag hvers mánaðar er Notaleg sögustund á pólsku með Nicole og annan laugardag hvers mánaðar er Notaleg sögustund á ensku með Ko-Leen. Síðasta laugardag hvers mánaðar er svo Notaleg sögustund á íslensku með Höllu Karen.

Þegar sögustundirnar eru er tilboð í Ráðhúskaffi fyrir börnin; 1/2 panini og safi eða kókómjólk á 500 kr,-