Bókmenntaverðlaun Evrópusambandsins
21.04.2017
Tvöfalt gler
Halldóra K. Thoroddsen rithöfundur hlaut Bókmenntaverðlaun Evrópusambandsins fyrir bókina Tvöfalt gler en verðlaunin verða veitt við hátíðlega athöfn í Brussel þann 23. maí. Tibor Navracsics, framkvæmdastjóri Evrópusambandsins í menningar- og menntamálum afhendir verðlaunin. Halldóra fékk einnig Fjöruverðlaunin fyrir bókina Tvöfalt gler.
Bókin Tvöfalt gler fjallar um ástir eldra fólks en í bókinni fær lesandi að skyggnast í hugarheim konu sem er komin vel á áttræðisaldur. í bókinni er komið inn á margt fleira en ástir en tekið er á mörgum álitamálum í nútímasamfélagi.
Hér má sjá viðtal við Halldóru í Kiljunni og hér gagnrýni úr Kiljunni.