Fréttir Duus Safnahúsa

Duus Safnahús óskuðu eftir þátttakendum í jólamarkaði sem halda skyldi 26. -27. nóvember. Leitað var sérstaklega eftir vönduðu handverki og ýmsu slíku sem heimamenn hafa verið að fást við.

Í gær var haldinn opinn fundur um ferðamálastefnu Reykjanesbæjar í Duus Safnahúsum þar sem íbúum og ferðaþjónum gafst kostur á að koma og kynna sér undirbúningsvinnu stefnunnar og taka þátt í að móta hana með virkum hætti.

Ferðamálastofa hélt kynningarfund um DMP vinnu (Destination Management Planing) eða stefnumarkandi stjórnunaráætlanir í Stofunni þann 13.10.

Minjastofnun Íslands hefur staðfest að eftirfarandi hús í Keflavík eru nú friðlýst: Fischerhús Hafnargötu 2, Gamla búð á Duusgötu, og Bryggjuhúsið og Bíósalurinn sem eru í Duushúsalengjunni.

Mannfólkið er heiti á sumarsýningu Listasafns Reykjanesbæjar ársins 2016 í Duus Safnahúsum og þar má m.a. sjá málverk eftir listmálarann Ásgeir Bjarnþórsson sem heitir „At the Pool“ og er önnur útgáfa af mynd sem send var á Olympíu sýninguna í London árið 1948. Nú hafa eigendur verksins, hjónin Sveinn og Svava Kristín Valfells, ákveðið að gefa safninu verkið í minningu málarans.