Fréttir Duus Safnahúsa

Hátt í eitt hundrað manns tóku þátt í líflegum vinnufundi menningarráðs Reykjanesbæjar í gær þegar bæjarbúum var gefinn kostur á að koma að endurskoðun menningarstefnu sveitarfélagsins sem nú stendur yfir.

Sýningin „Reykjanesbær – Verndarsvæði í byggð?“ stendur nú sem hæst í Duus Safnahúsum en þar er m.a. kallað eftir tillögum frá íbúum varðandi framtíðarásýnd gamla bæjarins í Keflavík og annarra bæjarhluta. Í byrjun janúar var sex grunnskólabekkjum úr Keflavíkurskólunum boðið í heimsókn á sýninguna þar sem þeir fengu sérstaka leiðsögn og í framhaldi var óskað eftir að þeir veltu fyrir sér Keflavíkurtúninu og hvernig þeir sæju fyrir sér að það liti út í framtíðinni. Var þetta hugsað sem liður í því að vekja athygli barnanna á sínu nærumhverfi og fá þá til að velta því fyrir sér og að átta sig á þeim möguleika að þau geti raunverulega haft áhrif á það.

í janúar erum við búin að fá skemmtilegar heimsóknir frá 6-8 bekkjum grunnskóla Keflavíkur til að taka þátt í verkefninu Verndarsvæði í byggð.

Skessan í hellinum skrapp í jólafrí til frænkna sinna í Búrfelli og hefur því beðið okkur um að skila því til ykkar að hún verði ekki heima og hellirinn lokaður til 15. janúar. Skessan skilar kærri kveðju og hlakkar til að sjá ykkur sem flest á nýju ári.

Það er búinn að vera sannkallaður jólaandi hjá okkur síðastliðinn mánuð með ýmsum viðburðum og uppákomum þar sem meðal annars var haldin föndurstund, jólatrésskemmtun og jólamarkaður.

Síðastliðin helgi í Duus Safnahúsum var afar skemmtileg og viðburðarík. Á laugardeginum voru opnaðar tvær nýjar sýningar og menningarverðlaun Reykjanesbæjar afhent og á sunnudeginum var listamannaleiðsögn og opið málþing.

Jólin, jólin, jólin koma brátt! Nú leitum við að þátttakendum í jólamarkaði sem haldinn verður helgina 2. og 3. des. í Duus Safnahúsum. Á sama tíma verður haldin jólatrésskemmtun í anda þeirrar sem haldin var á tímum Duusverslunarinnar. Það verður því sannkallaður jólaandi í Duus Safnahúsum þessa helgi.

Opinn fundur var haldinn í Bíósal Duus Safnahúsa síðastliðinn fimmtudag þar sem farið var yfir úttekt á fjárveitingum til helstu stofnana ríkisins á Suðurnesjum í samanburði við sambærilegar stofnanir annarsstaðar á landinu.

Nemendur úr 2.bekk í Heiðarskóla komu fjúkandi inn um dyrnar í morgun og voru hin hressustu. Þau voru ljómandi ánægð með verkin hans Helga Hjaltalín og sömdu skemmtilegar sögur um fólkið í húsunum hans.

Í gærmorgun fór fram starfsgreinakynning fyrir nemendur 8. og 10. bekkja grunnskólanna á Suðurnesjum í íþróttahúsinu við Sunnubraut. Þar voru samankomnir fulltrúar fjölmargra starfsgreina á svæðinu og víðar að til að kynna störf sín fyrir starfsfólki framtíðarinnar.