Fréttir Duus Safnahúsa

Í Duus Safnahúsum leggjum við af stað inn í haustið með opnun tveggja kraftmikilla sýninga á vegum Byggðasafns Reykjanesbæjar og Listasafns Reykjanesbæjar. Sýningarnar marka upphaf vetrarstarfs húsanna og safnanna og gefa góð fyrirheit um líflegan og viðburðaríkan vetur.

Arnbjörg Drífa Káradóttir er með einkasýningu hjá Listasafni Reykjanesbæjar, mun safnið standa fyrir viðburði að því tilefni og kynnir samtal við listamanninn á sunnudaginn næstkomandi 23 febrúar 2020, klukkan 15:00.

Komið hefur í ljós að óveðrið s.l. föstudag olli talsverðum skemmdum við og í Skessuhelli og verður hellirinn því lokaður á meðan að viðgerð stendur yfir.

Nýtt starfsár safnsins hefst með opnun þriggja sýninga föstudaginn 7.febrúar kl. 18. Það telst til nokkurra tíðinda að aðalsýning safnsins samanstendur af verkum frá Safnasafninu á Svalbarðsströnd en safnið fagnar í ár 25 ára afmæli sínu með ýmsum hætti.

Sunnudaginn 1. desember frá kl. 14 – 16 er fjölskyldum boðið að stíga út úr amstri hversdagsins og njóta þess að koma saman í jólastofunni í Bryggjuhúsi þar sem búin verða til kramarhús, jólahjörtu og músastigar og salurinn skreyttur. Þar er einnig upplagt tækifæri til að taka jólamyndir af börnunum í jólastofunni. Aldrei að vita nema jólasveinn af gamla skólanum kíki í heimsókn :-)

Á sunnudag lýkur þeim þremur sýningum Listasafns Reykjanesbæjar sem opnaðar voru á Ljósanótt.

Skemmtilegir viðburðir verða í boði fyrir alla fjölskylduna í Duus Safnahúsum í vetrarfríi grunnskólanna sem mun standa yfir frá laugardeginum 26.október til þriðjudagsins 29.október.

Verið velkomin við formlega opnun nýrra Ljósanætursýninga Listasafns Reykjanesbæjar fimmtudaginn 5. september kl. 18:00.