Þú ert hér:ByggðasafnMyndirHúsByggðasafn

Hús

5 stk.
11.01.2016

Myndir af húsum sem tilheyra eða eru í umsjón Byggðasafns

Vatnsnes er hús í eigu Byggðasafns Reykjanesbæjar sem staðsett er á Vatnsnesvegi 8. Húsið var byggt 1934-6 og er steypt. Húsið var gefið á sínum tíma til Keflavíkurbæjar til safnastarfsemi og voru þar til skamms tíma almennar sögusýningar og geymslur á vegum Byggðasafnsins.

Stekkjarkot í Innri Njarðvík er tilgátuhús sem reist var árið 1993, fjósi var svo bætt við sumarið 2002. Þarna hafði áður staðið gömul sjóbúð að upplagi frá 1856 en yngsti hluti frá fyrri hluta 20. aldar

Safnamiðstöð Reykjanesbæjar er til húsa í Ramma í Innri-Njarðvík. Þar eru skrifstofur Byggðasafnsins

Innri-Njarðvík er lítið bárujárnsklætt timburhús í Innri Njarðvík sem byggt var í byrjun 20. aldar. Húsið var gefið til Njarðvíkurbæjar á 8. áratug síðustu aldar til safnastarfsemi. Þar er nú sýning á vegum Byggðasafns Reykjanesbæjar, aðallega myndir og innanstokksmunir frá síðustu íbúum.

Bryggjuhúsið er elsta húsið í Duushúsalengjunni og það merkasta. Það var byggt 1877 af Hans Peter Duus, dönskum kaupmanni. Húsið er mjög stórt á þeirra tíma mælikvarða, 250 m2 að grunnfleti og alls þrjár hæðir. Mikið er eftir af upprunalegu efni í húsinu sem eykur varðveislugildi þess. Húsið var tekið í notkun eftir miklar endurbætur vorið 2014 og þar er nú aðal sýningarsalur byggðasafns Reykjanesbæjar.

Byggðasafn Reykjanesbæjar

Varðveislumiðstöð og skrifstofur:

Safnamiðstöðin í Ramma, Seylubraut 1, Innri-Njarðvík,
260 Reykjanesbær

Póstfang: Tjarnargötu 12, 230 Reykjanesbæ

Sími: 421 6700
Netfang: byggdasafn@reykjanesbaer.is.

Sýningar safnsins eru í Duus safnahúsum, Duusgötu 2-8

Sendu okkur fyrirspurn