Sumarlestur
Sumarlestur verður í Bókasafni Reykjanesbæjar í allt sumar; fjölbreyttur og skemmtilegur!
Sumarlestur er mikilvægur því hann viðheldur og eflir lestrarfærni sem börnin hafa náð í vetur. Eftir langan vetur eru flest börn þó reiðubúin í að breyta til og brjóta upp hina daglegu rútínu. Sumarlestur hefst formlega 1. júní.
Sumarlestur bókasafnsins er því gerður skemmtilegur og fjölbreyttur.
Öll börn í grunnskólum Reykjanesbæjar í 1.-5.bekk fá blað með sér heim sem í senn er lestrarbingóspjald og skráningarblað í sumarlestur. Börn í 6.-10.bekk fá blöðin með einkunnum í lok skólaárs eða send heim í tölvupósti frá umsjónarkennurum. Skráningarblöð má einnig nálgast í afgreiðslu safnsins sem og fleiri bingóspjöld.
Mikilvægt er að skila skráningarblaðinu í Bókasafn Reykjanesbæjar. Allir sem skila komast í pott og Lestrarhestrar verða dregnir út tvisvar sinnum í mánuði í allt sumar og fá lestrarverðlaun. Þegar fyrsta bingóspjaldinu hefur verið skilað er hægt að nálgast fleiri í safninu.
Í sumar verða sérstakir óvissubókapakkar í boði, en það er upplagt fyrir þá sem vita ekkert hvað þeir eiga að lesa eða vilja fá ferskar hugmyndir. Pakkinn er opnaður og þá koma í ljós bækur sem koma skemmtilega á óvart.
Öll börn fá einnig bókaskrá en henni skila börnin til kennara sinna þegar skólinn byrjar aftur í haust.
Við biðjum ykkur að skila inn fyrsta blaðinu í Bókasafn Reykjanesbæjar og gæta þess að allar upplýsingar fylgi skráningarblaðinu. Boð á uppskeruhátíð í lok sumars verða send út rafrænt.
Safnið er opið alla virka daga frá klukkan 09.00-18.00 og á laugardögum frá klukkan 11.00-17.00.
Bókasafnsskírteini fyrir 18 ára og yngri eru gjaldfrjáls.
Nánari upplýsingar veita:
Anna Margrét Ólafsdóttir, verkefnastýra
Netfang: anna.m.olafsdottir@reykjanesbaer.is
Sími: 421 6774
Anna María Cornette, deildarstjóri barna- og unglingastarfs
Netfang: anna.m.cornette@reykjanesbaer.is
Sími: 421 6772
Hægt er að prenta út skráningareyðublaðið og bókaskránna. Ýtið á hlekkina hér fyrir neðan:
Skráningareyðublað
Bókaskrá